عاوز تحس بالسعاده؟
اقولك علي حاجه حلوه
هات ورقه
كبيره شويه ياعم
هات قلم
رصاص جاف مش هتفرق
اطفي النور
هتكتب ازاي؟
افتح النور تاني
اكتب خمس حجات بتبقي سعيد وانت بتعملهم
اه بتكون مبسوط خالص
سهله
تمام
اكتب كمان خمسه اقل منهم شويه
ممممممم
برده سهله
طب اكتب كمان خمسه
الموضوع بقي اصعب؟
حاول....
طب ايه رأيك لو خليناهم خمسين
مستحيل؟
حاول كده هتلاقيها مش مستحيله
لو اعتبرنا حجات صغيره بتفرحنا زي مثلا
-لما بتكلم مع اصحابي
-لما بخرج معاهم
-لما بلاعب اطفال صغيرين
-لما بتفرج علي كارتون او فيلم
-لما بقرأ روايه
-لما بلعب جيمز
او حجات اكتر بساطه
-لما بتاكل شكلاته او بتشرب بيبسي او تاكل لب او سوداني او تشتري بيبسي او تربي قطه او سلحفه
حجات كتير مش كده
شوفت بقي خمسين مكنتش كتير
زود عن خمسين مفيش مشكله
خلصت؟
تمام
علق الورقه في مكان ظاهر
بص عليها كل يوم
اختار 5 حجات ع الاقل تعملها في يومك
سهله؟
تمام يبقي كده يومك عدي فيه حد ادني من لحظات السعاده
هتندهش ان فيه حجات كتير بتخليك سعيد مكنتش واخد بالك منها
جدد قايمتك كل فتره وضيف حجات جديده
واستمتع بحياتك :-)
ليست هناك تعليقات:
إرسال تعليق